Felix Bolaños Presidentetza, Justizia eta Gorteekiko Harremanetarako ministroak Europar Batasuneko Justizia eta Barne ministroen bilera informalean parte hartu du, Lefkosian (Zipre), Europar Batasuneko Kontseiluaren Zipreko presidentetzaren baitan.
Hiru lan saio izan dira gaurkoan, eta Europako Justizia ministroek sistema judizial penalarekin harremanetan dauden gazteen atxiloketaren alternatibak sustatzeari buruz eztabaidatu dute, batez ere droga kontsumoaren kasuetan.
Ildo horretan, Bolañosek gazte justizian espezializatutako fiskal adituen sare europar bat sortzea proposatu die bere homologoei, jardunbide egokiak partekatzeko eta jurisdikzio horri buruzko gai guztiak jorratzeko, tratamendu edo laguntza programetara bideratzeko mekanismoak barne.
Ministroak Espainiako sistema judizialak adingabeei arreta espezifikoa emateari eskaintzen dion garrantzia azpimarratu du, jurisdikzio espezializatu batekin eta Salako Fiskaltza batek zuzendutako fiskal adituen sare batekin, Europa mailan inspirazio izan daitekeena.
Europako ministroek landu dituzten beste bi gaiak honako hauek dira: finantza ingurunean aktiboak berreskuratzea eta legez kanpo ateratako kultur ondasunen mugaz gaindiko itzulera.
