Ekitaldi berean, San Raimundo Penyafortekoaren Ordenaren 38 domina eman zaizkie Estatuko Abokatutza Nagusiko zenbait kide eta langileri
Felix Bolaños Presidentetza, Justizia eta Gorteekiko Harremanetarako ministroa izan da gaur Estatuaren abokatuen 2025eko promozioaren karguaren promesa edo zina egiteko eta intsigniak emateko ekitaldian. 16 gizonek eta 9 emakumek osatzen dute promozioa, eta gaurtik aurrera Estatuaren Abokatutza Nagusian hasiko dira, zeina arduratzen baita Administrazioari eta bere erakunde autonomoei laguntza juridikoa emateaz.
Zeremonian, halaber, San Raimundo Penyafortekoaren Ordenaren 38 domina eman zaizkie Estatuko Abokatutza Nagusiko 23 legelariri eta 15 funtzionariori, euren ibilbide profesionala aitortzeko.
Hitza hartu duenean, ministroak dominadunei eskerrak eman dizkie zerbitzari publiko gisa egindako lanagatik. Era berean, Estatuko abokatu berriak zoriondu ditu, eta euren lan nagusia publikoa dena babestu eta defendatzea izango dela gogorarazi die. Halaber, nabarmendu du ezen promozio berriko bi kide, %10, Justizia Administrazioko goi funtzionarioen kidegoetan berdintasuna bermatzeko Ministeriok sortutako Seré beken onuradun direla.
Ekitaldia Madrilgo Unibertsitate Konplutentseko Paraninfoan egin da, eta bertan izan dira, besteak beste, David Vilas Estatuaren abokatu nagusia, Elena Rodriguez Aholku arloko zuzendari nagusia eta Jesus Moreno Auzibide arloko zuzendari nagusia.
