O ministro da Presidencia, Xustiza e Relacións coas Cortes, Félix Bolaños, asistiu este venres ao encontro que o presidente do Goberno mantivo con representantes de asociacións de vítimas de abusos sexuais no ámbito da Igrexa católica.
Neste encontro tratouse o acordo que o Goberno asinou coa Conferencia Episcopal Española (CEE) e a Conferencia Española de Relixiosos (CONFER) para a reparación integral das vítimas de abusos sexuais producidos no seo da Igrexa para as que xa non é posible a vía xudicial porque os feitos prescribiron ou os seus autores faleceron.
Trátase dun sistema mixto Igrexa-Estado, con participación das vítimas e reparacións económicas ou de calquera outra natureza a cargo da Igrexa. O Defensor do Pobo será a institución encargada de elaborar as propostas de reparación.
Tanto o presidente do Goberno como o ministro trasladaron ás asociacións de vítimas o seu recoñecemento polas décadas de loita contra o silencio.
A esta reunión, celebrada na Moncloa, acudiron as asociacións Infancia Robada (ANIR), Asociación de Víctimas de Abusos de Navarra (AVA), Justice Iniciative, Asociación contra los Abusos Sexuales en la Infancia (LULACRIS), Asociación contra los abusos sexuales de la infancia (ACASI), Asociación Mans Petites, Plataforma Tolerancia 0 contra los abusos infantiles e Fundación Vicky Bernadet.
