O Consello de Ministros aprobou hoxe un Real decreto polo que se concede a nacionalidade española a 54 fillos e 117 netos de brigadistas internacionais, homes e mulleres que chegaron voluntariamente a España para defender a legalidade republicana fronte ao golpe militar de 1936.
O Consello de Ministros aprobou hoxe un Real decreto polo que se concede a nacionalidade española a 54 fillos e 117 netos de brigadistas internacionais, homes e mulleres que chegaron voluntariamente a España para defender a legalidade republicana fronte ao golpe militar de 1936.
Con este recoñecemento, o Goberno honra o legado dos brigadistas, que encarnaron os valores de liberdade, igualdade e solidariedade, e reafirma o seu compromiso cunha memoria democrática que non esquece a quen loitou contra o fascismo. Trátase dun xesto que adquire unha relevante dimensión simbólica nun contexto global marcado polo auxe do revisionismo e a deslexitimación dos valores democráticos.
O outorgamento da nacionalidade realízase ao abeiro da Lei de memoria democrática de 2022. No seu artigo 33, a lei prevé que os voluntarios das Brigadas Internacionais que participaron na Guerra Civil e os seus descendentes que acrediten un labor continuado de difusión da memoria e a defensa da democracia poidan adquirir a nacionalidade española por carta de natureza.
Os fillos e netos de brigadistas aos que se concede a nacionalidade son cidadáns de países como Cuba, Estados Unidos, Polonia, Reino Unido, Australia, Italia ou Francia. Todos eles son membros da asociación memorialista Amigos de las Brigadas Internacionales.
