O ministro da Presidencia, Xustiza e Relacións coas Cortes, Félix Bolaños, asistiu este luns á reunión do Pleno da Comisión Nacional para a Conmemoración do V Centenario do Consello de Estado, celebrada no Palacio de los Consejos.
O Pleno da Comisión está presidido pola presidenta do Consello de Estado, Carmen Calvo, que informou do programa de actividades previstas na conmemoración ao Pleno, e conta coa participación de conselleiros permanentes deste órgano e representantes de destacadas institucións do Estado e do eido cultural.
A Comisión Nacional para a Conmemoración do V Centenario do Consello de Estado é o órgano encargado de planificar e coordinar o programa de actividades conmemorativas polos 500 anos desta institución, o consello consultivo máis antigo de Europa.
