O ministro da Presidencia, Xustiza e Relacións coas Cortes, Félix Bolaños, reuniuse hoxe co conseller de Justícia i Qualitat Democràtica da Generalitat de Catalunya, Ramon Espadaler.
No encontro, analizaron diversas cuestións vinculadas á Administración de Xustiza en Catalunya. Entre elas, os resultados da implementación da primeira e a segunda fase da Lei de eficiencia do Servizo Público de Xustiza, que xa se traduciu en incrementos da actividade xudicial de ata o 20 %. A lei, que moderniza unha planta xudicial deseñada no século XIX, prevé que a terceira e última fase de implementación se complete o 31 de decembro. Para iso, a Generalitat xa ten toda a planificación a punto a nivel organizativo e está a rematar as adaptacións tecnolóxicas e de infraestruturas.
A reunión, que se celebrou no Complexo da Moncloa, tamén contou coa participación da secretaria xeral para a Innovación e Calidade do Servizo Público de Xustiza, Sofía Puente, e a secretaria xeral de Justícia i Qualitat Democràtica da Generalitat, Maite Casado.
