A Lei de eficiencia consolida o modelo xa existente da Oficina Xudicial que, con todo, só estaba implementado en certos partidos xudiciais.
A Lei orgánica do poder xudicial define esta estrutura como a "organización de carácter instrumental que serve de asistencia e apoio á actividade xurisdicional de xuíces e tribunais".
Coa nova norma, cada Tribunal de Instancia contará cunha Oficina Xudicial, que lle prestará todos os servizos comúns e ofrecerá un apoio integral, sen distincións entre seccións, prazas xudiciais ou ordes xurisdicionais, co fin de garantir unha resposta homoxénea, máis áxil e coordinada.
Desta maneira, a Lei de eficiencia impulsa o papel da Oficina Xudicial como eixo central do apoio administrativo no modelo dos Tribunais de Instancia, o que supoñerá unha xestión máis eficiente dos medios materiais e persoais asignados ao partido xudicial.
